अथ....

ह्या ब्लॉगने प्रथम अवतार घेतला खरं तर ४-५ वर्षांपूर्वी, पण प्रत्यक्ष लिहायचा योग काही येत नव्हता. फेसबुकवर माझ्या पहिल्या निवासस्थानाचा (श्रीकृष्ण नगर, बोरीवली, मुंबई) समूह आला, त्यात मी काही आठवणी लिहायला सुरुवात केली. त्यांना जो प्रतिसाद मिळाला तो भारावून टाकणारा आहे. विशेष म्हणजे त्या समूहात बरीचशी तरुण मंडळी आहेत - तरुण आमच्या पिढीच्या मानाने, बहुतेक तर आई-बाबा झालेले आहेत! ह्या ब्लॉगवरच्या लिखाणाचा उगम त्याच्यातच आहे. अर्थातच, हा ब्लॉग खऱ्या अर्थाने सुरु होण्याचं श्रेय माझ्या तिथल्या बंधू-भगिनींना आहे.